इमारतीमधून साहित्याची चोरी 

| पनवेल | वार्ताहर |

पनवेल शहरातील उरण नाका येथील एका इमारतीमधून साहित्याची चोरी झाल्याची घटना घडली आहे. पनवेल शहरातील उरण नाका येथील गितांजली टॉवर येथील पाचव्या मजल्यावरील एका खोलीत काम चालू असताना अज्ञात चोरट्याने कडी-कोयंडा तोडून आतील सुमारे 56 हजार 400 रुपये किमतीचे साहित्य चोरून नेले. याप्रकरणी पनवेल शहर पोलीस ठाण्यात गुन्हा दाखल करण्यात आला आहे.