रायगड जिल्ह्यात 9 रुग्ण; शुन्य मृत्यू नोंद
10 कोरोनामुक्त, जिल्हा प्रशासनाची माहिती
। अलिबाग । विशेष प्रतिनिधी ।
रायगड जिल्ह्यात सोमवार दि. 13 डिसेेंबर रोजी कोरोनाच्या 9 नव्या रुग्णांची नोंद झाली असून उपचारादरम्यान सलग तिसर्या दिवशी एकाही रुग्णाचा मृत्यू झालेला नसल्याने दिलासा मिळाला आहे. तर दिवसभरात 10 रुग्ण कोरोनामुक्त झाले. तसेच 13 तालुक्यांमध्ये एकही रुग्ण नोंद झालेली नसल्याची माहिती जिल्हा प्रशासनाने दिली.
सोमवारी पनवेल महापालिका हद्दीत 6, पनवेल ग्रामीण 2, खालापूर 1, असे 9 रुग्ण आढळले. तसेच उरण, कर्जत, पेण, अलिबाग, रोहा, मुरुड, माणगाव, तळा, सुधागड, श्रीवर्धन, म्हसळा, महाड, पोलादपूर या 13 तालुक्यांमध्ये एकही नवा रुग्ण आढळून आलेला नाही.
आतापर्यंत रायगड जिल्ह्यातील एकूण कोरोना बाधित रुग्णांची संख्या 1 लाख 72 हजार 298 झाली आहे. यापैकी 1 लाख 67 हजार 534 रुग्ण कोरोनातून बरे झाले आहेत. तर मृतांचा आकडा 4 हजार 578 वर गेला आहे. सद्यस्थितीत 186 सक्रीय रुग्ण कोरोनावर उपचार घेत आहेत.