पाचवी कसोटी रद्द झाल्यावर खेळाडू भडकले
पाचवा कसोटी सामना रद्द झाल्यावर इंग्लंडचे खेळाडू भडकले आणि त्यांनी आता एक मोठे पाऊल उचलले आहे. इंग्लंडच्या खेळाडूंना आता भारताचा असा बदला घेण्याचे ठरवले असून त्यांनी बीसीसीआयला चांगलेच कोंडीत पकडले आहे. लंडन : पाचवी कसोटी इंग्लंडच्या खेळाडूंसाठी फार महत्वाची होती. कारण ही कसोटी जिंकून त्यांना मालिकेत २-२ अशी बरोबरी करता आली असती. पण हा सामना रद्द झाल्यावर इंग्लंडचे खेळाडू चांगलेच भडकलेले पाहायला मिळाले.
आता या गोष्टीचा बदला घेण्यासाठी इंग्लंडच्या खेळाडूंनी आता मोठे पाऊल उचलले आहे. इंग्लंडच्या खेळाडूंनी आता बीसीसीआयला खिंडीत पकडण्यासाठी एक मोठा निर्णय घेतला आहे. इंग्लंडचे जॉनी बेअरस्टो, डेव्हिड मलान आणि ख्रिस वोक्स यांनी आता आयपीएलमधून माघार घेतली आहे. हे तिन्ही खेळाडू संघांसाठी महत्वाचे आहेत. पण पाचवा कसोटी सामना रद्द केल्याचा राग त्यांनी असा काढला आहे. बेअरस्टो, वोक्स आणि मलान यांनी आपण आयपीएलमधून माघार घेत असल्याचे आज जाहीर केले. यापूर्वी इंग्लंडचा यष्टीरक्षक आणि धडाकेबाज फलंदाज जोस बटलरने आयपीएल न खेळण्याचा निर्णय घेतला आहे. त्याचबरोबर इंग्लंडचा अष्टपैलू खेळाडू बेन स्टोक्स आणि बऱ्याच कालावधीपासून क्रिकेटपासून लांब गेला आहे. त्यामुळे स्टोक्स आता आयपीएलमध्ये खेळणार नसल्याचे स्पष्ट झाले आहे. त्यामुळे आता इंग्लंडचे सॅम करन आणि मोइन अलीसारखे खेळाडू आता आयपीएलबाबत काय निर्णय घेतात, याकडे सर्वांचे लक्ष लागलेले आहे. या दोघांनीही आयपीएल न खेळण्याचा निर्णय घेतला तर इंग्लंडने आयपीएलवर बंदी घालण्यासारखे चित्र दिसेल. त्यामुळे आता हे दोन महत्वाचे खेळाडू कोणता निर्णय घेतात, याकडे सर्वांचे लक्ष लागलेले असेल.
जर इंग्लंडच्या खेळाडूंनी आयपीएलवर बंदी घालण्याचा निर्णय घेतला तर अन्य देशही असा निर्णय घेऊ शकतात आणि बीसीसीआयची कोंडी होऊ शकते. त्यामुळे आता आयपीएल सुरु होण्यापूर्वी अन्य देशातील खेळाडू कोणता निर्णय घेतात, याकडे सर्वांचे लक्ष लागलेले असेल. दुसरीकडे या निर्णयाचा फटका इंग्लंडच्या खेळाडूंनाही बसू शकतो. कारण आयपीेल खेळण्यासाठी कमी कालावधीत खेळाडूंना मोठी रक्कम मिळत असते. ही रक्कम आता इंग्लंडच्या खेळाडूंना गमवावी लागू शकते. त्यामुळे इंग्लंडच्या खेळाडूंचेही नुकसान होणार आहे.