भयंकर! तीन प्रवाशांवर चाकूने हल्ला
। कल्याण । प्रतिनिधी ।
कल्याणवरून दादरला जाणाऱ्या फास्ट लोकलमध्ये ट्रेनमधून उतरण्याच्या वादातून तीन प्रवाशांवर एका प्रवाशाने चाकूने हल्ला केला. या हल्ल्यात तीनही प्रवासी जखमी झाले आहेत. याप्रकरणी डोंबिवली लोहमार्ग पोलिसांनी आरोपीला ताब्यात घेतले आहे.
अक्षय वाघ, हेमंत कांकरिया आणि राजेश चांगलानी या तिघांनी कल्याणवरून दादरला जाणारी फास्ट लोकल पकडली. या लोकलमध्ये शेख जिया हुसेन (19) हा प्रवासी डोंबिवली स्थानकात बसला होता. त्याला मुंब्र्यामध्ये उतरायचे होते, मात्र ही लोकल फास्ट असल्याने ती मुंब्र्याला थांबत नाही असे प्रवाशांनी त्याला सांगितले. मात्र, हुसेन शेख हा उतरण्याचा प्रयत्न करत असताना त्याला एका प्रवाशाचा धक्का लागला आणि वाद सुरू झाला. या वादात जिया शेख याला काही प्रवाशांनी मारहाण करण्यास सुरुवात केली असता जियाने जवळ असलेल्या चाकूने प्रवाशांवर हल्ला केला. यात तीन प्रवासी जखमी झाले. याप्रकरणी आरोपी शेख जिया हुसेन याला डोंबिवली लोहमार्ग पोलिसांनी ताब्यात घेऊन गुन्हा दाखल करत घटनेचा तपास सुरू केला आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.