। पनवेल । प्रतिनिधी ।
पुण्याहून मुंबईच्या दिशेने जाणाऱ्या भरधाव वाहनाने रस्त्याने जाणाऱ्या अज्ञात महिलेला धडक दिल्याने तिचा मृत्यू झाल्याची घटना मुंबई-पुणे महामार्गावर खारघर येथे घडली. या अपघातानंतर वाहनचालकाने तेथून वाहनासह पलायन केले. ही धडक इतकी भीषण होती की, या महिलेच्या डोक्याला आणि डाव्या पायाला गंभीर दुखापती झाली. त्यानंतर अतिरक्तस्त्राव आणि गंभीर जखमांमुळे त्या महिलेचा जागीच मृत्यू झाला. या घटनेची माहिती मिळताच खारघर पोलिसांनी तत्काळ घटनास्थळी धाव घेतली व घटनेची पाहणी करून फरारी वाहन चालकाविरोधात पोलीस ठाण्यात गुन्हा नोंद करून त्याचा शोध सुरू केला आहे. अपघातातील मृत महिलेची अद्याप ओळख पटलेली नसल्याने तिची ओळख पटवण्यासाठी प्रयत्न सुरू केल्याचे सांगितले आहे.
वाहनाच्या धडकेत अज्ञात महिलेचा मृत्यू
