बीडमध्ये उपसरपंचाला मारहाण

| बीड | प्रतिनिधी |

बीड जिल्ह्यातील माजलगाव तालुक्यात एक धक्कादायक घटना घडली आहे. निपाणी टाकळी गावात सरपंच महिलेच्या पतीने उपसरपंचाला मारहाण केली. लक्ष्मण चव्हाण असे मारहाण झालेल्या उपसरपंचाचे नाव आहे. बोगस कामं काढू नका, असे म्हटल्यामुळे ही मारहाण झाल्याचा आरोप आहे. या घटनेचा व्हिडिओ सोशल मीडियावर व्हायरल झाला आहे.

बीड जिल्हा मागील काही महिन्यांपासून गुन्हेगारीच्या घटनांमुळे मोठ्या प्रमाणात चर्चेत आहे. आधी सरपंच संतोष देशमुख यांची झालेली हत्या आणि नंतर विविध समाजकंटकांचा उपद्रव यामुळे बीडमधील कायदा-सुव्यवस्थेबाबत वारंवार प्रश्नचिन्ह उपस्थित राहत आहे. अशातच आता माजलगाव तालुक्यातील एक मारहाणीची घटना समोर आली आहे. तालुक्यातील निपाणी टाकळी येथे ग्रामसभा होती.