निडी कबड्डी स्पर्धेत वणी विजयी

| पाली/गोमाशी | वार्ताहर |

नागोठणे कबड्डी असोसिएशनच्या मान्यतेने निडी यांच्या वतीने तालुकास्तरीय कबड्डी स्पर्धाचे आयोजन करण्यात आले होते. या स्पर्धेत नागोठणे पंचक्रोशीतील नामवंत संघांनी सहभाग घेतला होता. या स्पर्धेतील अंतिम लढत वणी विरुद्ध कोंडगाव या दोन संघात झाला. या स्पर्धेत जय बापदेव वणी हा संघ विजयी झाला. या संघास रोख रक्कम 10 हजार रुपये व आकर्षक चषक, तर उपविजेता पदाचा मानकरी कोंडगाव या संघास रोख रक्कम 7 हजार रुपये व आकर्षक चषक, तृतीय क्रमांक आंबेकर संघास रोख रक्कम 5 हजार रुपये व आकर्षक चषक,चतुर्थ क्रमाक पाठणसई या संघास रोख रक्कम 5 हजार रुपये व आकर्षक चषक देऊन मंडळाच्या वतीने गौरविण्यात आले.

या स्पर्धेतील सर्वोत्कृष्ट खेळाडु प्रथमेश कदम (वणी), उत्कृष्ट चढाई प्रणय शिंदे(कोंडगाव),उत्कृष्ट पक्कड अखिल शेलार(आंबेघर), पब्लिक हिरो प्रवेश माळी पाटणसई या खेळाडूंना आकर्षक चषक देऊन गौरविण्यात आले.