आदई पंचायत मतदारसंघातून विलास फडकेंना उमेदवारी

| पनवेल | प्रतिनिधी |

पनवेल तालुक्यातील आदई पंचायत मतदार संघातून रायगड जिल्हा परिषदेचे माजी सदस्य विलास फडके यांनी आपला उमेदवारी अर्ज पनवेल तहसील कार्यालयात भरला. याच वेळी नेरे जिल्हा परिषद मतदार संघातून मारुती बाळा भस्मा यांनी आपला उमेदवारी अर्ज दाखल केला. तर नेरे पंचायत समिती मतदार संघातून हेमा धर्मा वाघ यांनी आपला उमेदवारी अर्ज दाखल केला. उमेदवारी अर्ज दाखल करताना माजी आ. बाळाराम पाटील, पनवेल विधानसभेचे अध्यक्ष आणि माजी सभापती काशिनाथ पाटील, नारायण घरत, शेकापचे तालुका चिटणीस राजेश केणी आदी मान्यवर उपस्थित होते.

सकाळी 11 वाजता पनवेल येथील शेतकरी कामगार पक्षाच्या कार्यालयात नेरे आदई परिसरातील शेतकरी कामगार पक्षाचेआणि महाविकास आघाडीचे कार्यकर्ते मोठ्या प्रमाणात जमा झाले आणि तेथून भव्य अशी रॅली काढून तहसीलदार कार्यालयाकडे केले. यावेळी बाळाराम पाटील यांनी सांगितले, रायगड जिल्हा परिषद ही नेहमीच शेतकरी कामगार पक्षाची राहिली आहे आणि ती यापुढेही कायम ठेवण्यात आम्ही यशस्वी होऊ. ते पुढे म्हणाले, पनवेल महानगरपालिकेमध्ये ज्या चुका आमच्याकडून घडल्या, त्या चुका टाळण्याचा प्रयत्न आम्ही करू आणि रायगड जिल्हा परिषदेत महाविकास आघाडीची सत्ता आणू याचा आम्हाला विश्वास वाटत आहे.