मतदार जनजागृती कार्यक्रम

| पाली /बेणसे | वार्ताहर |

32 रायगड लोकसभा मतदार संघातील 191 पेण विधानसभा मतदारसंघांमध्ये मा. सहायक निवडणूक अधिकारी श्री प्रवीण पवार यांच्या मार्गदर्शनाखाली, श्री तानाजी शेजाळ, तहसीलदार पेण व. श्री प्रसाद कालेकर, नायब तहसिलदार, पेण यांच्या निर्देशानुसार पेण तालुका स्वीप पथकाच्या मदतीने दि. 02/04/2024 रोजी जयकिसान विद्यामंदीर व ज्युनिअर कॉलेज, वडखळ येथील शिक्षक , मुख्याध्यापक यांच्यासोबत विद्यार्थ्यांना मतदान जनजागृती बाबत माहिती देण्यात आली. तसेच विद्यार्थ्यांना संकल्प पत्र वाटप करण्यात आले.

सदर संकल्प पत्र विद्यार्थ्यांनी आपल्या आई, वडील व इतर नातेवाईकांना वाचून दाखवून त्यांना मतदान करण्यासाठी प्रोत्साहित करण्याचे आवाहन करण्यात आले. पेण निवडणूक शाखा, स्वीप पथकामधील श्री प्रसाद म्हात्रे, श्री देविदास बामणे, श्री विनायक पवार, श्री मंगेश शेंडगे, श्री प्रवीण बैकर आणि श्री मिलिंद महांगडे यांनी सदर कार्यक्रम घेऊन मतदारांमध्ये जनजागृती करण्यासाठी विद्यार्थ्यांना आवाहन केले.