पेण फेस्टिवलमध्ये मिस रायगड ठरली वृषाली मालावडेकर

नवी मुंबईची सानिया सिंघ द्वितीय
। पेण । वार्ताहर ।
स्वरंग तर्फे पेण नगरपरिषदेच्या भव्य मैदानावर भरलेल्या पेण फेस्टिवल 2022 मध्ये रविवारी झालेल्या मिस रायगड स्पर्धेत कल्याणची वृषाली मालावडेकर ही मिस रायगडची अंतिम विजेती ठरली. तर नवी मुंबईच्या सानिया सिंघ हिने या स्पर्धेतील फस्ट रनरअपचे तर मुरुड मिठेखारच्या हिमानी गायकर हिने सेकंड रनरअपचे पारितोषिक पटकावले.
या स्पर्धेतील बेस्ट कॅटवॉक नेहा पाटील (पेण), बेस्ट स्माईलचे स्वप्नाली कळमकर (पाली), बेस्ट हेअरचे कल्याणी पाटील (पेण), बेस्ट फोटोजनिकचे धारा विसारीया (डोंबिवली), बेस्ट पर्सनालीटीचे राणी जैसवाल (कामोठे), बेस्ट कॉस्ट्यूमचे अंजली गायकवाड (मुंबई) या स्पर्धकांनी पारितोषिके जिंकली. या स्पर्धेत एकूण 21 सौदर्यवतींनी सहभाग घेतला होता. सर्वानीच आपल्या मनमोहक अदा सादर करून रसिकांना मोहित केले. या स्पर्धेसाठी रसिकांनी विशेषत युवा वर्गाची मोठी उपस्थिती दर्शविल्यास स्टेज समोरील प्रांगण खचाखच भरले होते.
विजेत्यांना स्वरंगचे अध्यक्ष प्रा. राजेंद्र साळवी, कोकणातील प्रसिध्द उदयोजक शामकांत खातू, उदयोजक यशवंत घासे, राजु पिचिका, प्रकाश झावरे, शर्मिला पाटील, खजिनदार भारती साळवी, स्वरंग उपाध्यक्ष सुनिल पाटील, सचिव कौस्तुभ भिडे, सारिका पाटील, अनिकेत साळवी, आदि मान्यवरांच्या हस्ते पारितोषिके देउन गौरविण्यात आले.
इन्ट्रोडयूस राउंड, साडी रांउड, वेस्टन राउंड व ईव्हीनींग गाउन राउंड अशा चार राऊंडमध्ये सादर करण्यात आलेल्या या स्पर्धेची कोरिओग्राफी रुपेश चव्हाण मुंबई व त्यांचे सहायक कोरिओग्राफर निखिल बाचल यांनी साकारली. तर लोकशाही न्यूज चॅनलचे अ‍ॅकर ऋषी देसाई यांच्या उत्कृष्ठ समालोकचनाची साथ या स्पर्धेला लाभली. परिक्षक म्हणून सिने अभिनेत्री श्रध्दा पोतदार, डॉ.वैभव ठाकूर, प्रवीण पवार, सेजल सावंत व रायगड शो टॉपर प्रो. अक्षता साळवी यांनी काम पाहिले.