। नवीन पनवेल । वार्ताहर ।
नवीन पनवेल येथील राहत्या घरात एका डॉक्टर महिलेने आत्महत्या केल्याची घटना 29 एप्रिल रोजी घडली आहे. डॉ. नागमनी करन बेटकर (26) या महिलेने ओढणीच्या सहाय्याने गळफास घेऊन आत्महत्या केली. ही महिला पटवर्धन हॉस्पिटल येथे काम करत होती अशी माहिती खांदेश्वर पोलिसांनी दिली आहे. तिच्या आत्महत्येचे कारण समजू शकलेले नाही. या घटनेचा अधिक तपास खांदेश्वर पोलिस करत आहेत.