| पेण | प्रतिनिधी |
मुंबई-गोवा महामार्गावरील देवळी बसथांब्यासमोर भरधाव दुचाकीने रस्ता ओलांडणाऱ्या महिलेला धडक दिल्याची घटना 12 ऑगस्ट रोजी दुपारी घडली. महाडहून मुंबईकडे जाणाऱ्या दुचाकीस्वाराने वाहन हयगयीने व अतिवेगाने चालवून महिलेला धडक दिली. अपघातात महिलेचा डावा हात फ्रॅक्चर झाला असून डोके व हनुवटीला गंभीर दुखापत झाली आहे. दुचाकीस्वारालाही किरकोळ दुखापत झाली. याप्रकरणी वडखळ पोलीस ठाण्यात गुन्हा दाखल करण्यात आला असून महिला सहायक फौजदार कांबळे तपास करीत आहेत.
देवळी येथे दुचाकीच्या धडकेत महिला गंभीर
