दागिने सावकाराकडे ठेवले गहाण; सासरच्यांकडून महिलेची फसवणूक
| पनवेल | प्रतिनिधी |
पोलीस दलात असल्याचे खोटे भासवून लग्न जुळवून घेतले. त्यानंतर सासूचे 12 तोळे दागिनेही खासगी सावकाराकडे गहाण ठेवून पती, सासू आणि सासरा यांनी फसवणूक केल्याची फिर्याद विवाहितेने कळंबोली पोलीस ठाण्यात केली आहे. आरोपी हे सातारा जिल्ह्यातील कोरेगावच्या बिचुकले तालुक्यातील आहेत. सध्या त्यांचे वास्तव्य कळंबोलीत आहे.
तक्रारदार विवाहितेचे पती आरोपी राहुल रामचंद्र सपकाळ, सासरे रामचंद्र आनंदराव सपकाळ आणि सासू सुवर्णा रामचंद्र सपकाळ यांनी 2021 पासून कालपर्यंत पीडितेचा शारीरिक व मानसिक त्रास दिल्याचे म्हटले आहे. याशिवाय फिर्यादीच्या आईचे साडेपाच लाख रुपये किमतीचे सोन्याचे दागिने आरोपींकडे विश्‍वासाने ठेवण्यासाठी दिले असता त्यांनी खासगी सावकाराकडे गहाण टाकले असल्याचा आरोपही करण्यात आला आहे. कळंबोली पोलीस ठाण्याचे वरिष्ठ पोलीस निरीक्षक राजेंद्र कोते पाटील यांच्या मार्गदर्शनाखाली सहाय्यक पोलीस निरीक्षक दत्तात्रेय डफळ हे तपास करीत आहेत. हुंड्यासाठी छळ, आर्थिक फसवणूक, शारीरिक व मानसिक त्रास दिल्याचा गुन्हा दाखल केला आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.