रायगडात कोरोनाच्या ९ नव्या रुग्णांची नोंद; शुन्य मृत्यू , 6 कोरोनामुक्त

13 तालुक्यात नवीन रुग्ण नाही; जिल्हा प्रशासनाची माहिती
। अलिबाग । विशेष प्रतिनिधी ।
रायगड जिल्ह्यात शनिवार दि. 12 मार्च रोजी कोरोनाच्या 9 नव्या रुग्णांची नोंद झाली असून सुदैवाने उपचारादरम्यान आज एकाही रुग्णाचा मृत्यू झाला नसल्याने दिलासा मिळाला आहे. तर 13 तालुक्यात आज एकाही नवीन रुग्णाची नोंद झालेली नाही. तर दिवसभरात 6 रुग्ण कोरोनामुक्त झाले अशी माहिती जिल्हा प्रशासनाने दिली.
शनिवारी पनवेल महापालिका हद्दीत 6, पेण 2 व रोहा 1 असे 9 रुग्ण आढळले. पनवेल ग्रामीण, उरण, खालापूर, कर्जत, अलिबाग, महाड, मुरुड, माणगाव, तळा, सुधागड, श्रीवर्धन, म्हसळा व पोलादपूर या 13 तालुक्यात आज एकही नवीन रुग्ण आढळला नाही. आतापर्यंत रायगड जिल्ह्यातील एकूण कोरोना बाधित रुग्णांची संख्या 2 लाख 14 हजार 622 झाली आहे. यापैकी 2 लाख 09 हजार 771 रुग्ण कोरोनातून बरे झाले आहेत. तर मृतांचा आकडा 4 हजार 694 वर गेला आहे. सद्यस्थितीत 157 सक्रीय रुग्ण कोरोनावर उपचार घेत आहेत.