भीषण! कार अपघातात चार जणांचा मृत्यू
। छत्रपती संभाजीनगर । प्रतिनिधी ।
छत्रपती संभाजीनगरमध्ये एका कारला दारू पिऊन ड्राईव्ह करणाऱ्या तरूणांच्या कारने धडक दिली. या अपघातात चौघांचा मृत्यू झाला आहे. तर दोघे जण गंभीर जखमी झाले आहेत.
हा अपघात छत्रपती संभाजीनगरमधील वाळुज एमआयडीसी परिसरात घडला आहे. अमरावतीमधील अजय देसरकर हे आपल्या कुटुंबियांसह पुण्याला जात होते. त्याचवेळी नगर रोडवरील लिंबे जळगाव परिसरातील टोलनाक्याजवळ आले असता दारू पिऊन स्कॉर्पिओ ड्राईव्ह करणाऱ्या दोन तरूणांनी त्यांच्या कारला धडक दिली. या अपघात चौघांचा मृत्यू झाला असून मृतांमध्ये दोन लहान मुलांचाही अमावेश आहे तर, दोघे गंभीर जखमी झाले आहेत.
या घटनेतील धक्कादायक गोष्ट म्हणजे ड्रायव्हिंग लायसन्स नसताना दारू पिऊन गाडी भरधाव चालवत धडक दिल्याने हा अपघात झाला. या अपघातास कारणीभूत ठरलेले विशाल चव्हाण (22) आणि कृष्णा केरे (19) या दोन तरूणांवर सदोष मनुष्यवधाचा गुन्हा दाखल झाला असून पोलिसांनी त्यांना ताब्यात घेतले आहे. तसेच, याप्रकरणी अधिक तपास पोलीस करत आहेत.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.