। पेण । वार्ताहर ।
नागेश्वर देवस्थान दिवच्या सभामंडपाच्या दुसर्या मजल्याच्या कामाचे भुमीपुजन मा.आ.धैर्यशील पाटील यांच्या हस्ते करण्यात आले. यावेळी मा.आ.पाटील यांनी आपले मनोगत व्यक्त करताना जुन्या आठवणींना उजाळा देत सांगितले की, याच नागेश्वर देवस्थानाच्या सभामंडपात पहिल्यांदा सेझच्या विरूद्ध लढा पुकारला आणि वेळोवेळी अनेक बैठकाही याच सभामंडपात घेतल्या. सेझला हद्दपार करण्यामागे याच सभामंडपाचा मोलाचा वाटा आहे, असेच म्हणावे लागेल. त्यावेळी मी आमदारही नव्हतो, तेव्हा बाळाराम पाटलांच्या निधीतून आपण हा सभामंडप बांधला होता. आज पुन्हा या सभामंडपाच्या दुसर्या मजल्याचे भुमीपुजन मी करत आहे.
या भुमीपुजनाच्या कार्यक्रमासाठी अर्थ व बांधकाम सभापती तथा माजी जिल्हा परिषद अध्यक्षा अॅड.निलिमा पाटील, जिल्हा परिषद सदस्य प्रभाकर म्हात्रे (हरीओम), कृषी उत्पन्न बाजार समितीचे सभापती भाऊ एरणकर, माजी सभापती जयप्रकाश ठाकूर, माजी नगराध्यक्ष गुरूनाथ मांजरेकर, लाल ब्रिगेड अध्यक्ष स्वप्नील म्हात्रे, कृषी उत्पन्न बाजार समितीचे सदस्य संदेश ठाकूर, नगरसेवक शोमेर पेणकर, संतोष पाटील, शेकाप ज्येष्ठ कार्यकर्ते डॉ.परशुराम ठाकूर, दिलीप पाटील आदी मान्यवर उपस्थित होते.