शिंदे गटाच्या कार्यकर्त्यांची गुंडगिरी
| रेवदंडा | प्रतिनिधी |
अलिबाग तालुक्यातील रेवदंडा ग्रामपंचायतीचे सदस्य, शिंदे गटातील कार्यकर्ते यांनी गुंडगिरी केल्याचा प्रकार समोर आला आहे. ग्रामपंचायतीमध्ये दाखल केलेल्या अर्जानुसार कागदपत्रे आणण्यासाठी सामाजिक कार्यकर्ते गेले होते. त्याचा राग धरून शिवीगाळी करून ठार मारण्याची धमकी दिल्याची तक्रार रेवदंडा पोलिस ठाण्यात करण्यात आली आहे.
निलेश गाडे यांच्या तक्रारीनुसार, रेवदंडा ग्रामपंचायतीचे सरपंच यांच्या विरोधात त्यांना पदावरून काढून टाकण्याबाबत रेवदंडा ग्रामपंचायतीमध्ये अर्ज दाखल केला होता. त्या अनुषंगाने आवश्यक कागदपत्रांच्या मागणीसाठी (दि.13) जूनला दुपारी एक वाजण्याच्या सुमारास साक्षीदार नरेंद्र गाडे गेले होते. पारनाका येथे आल्यावर दुशांत दत्तात्रेय झावरे (35) रा.आंग्रेनगर रेवदंडा व एका महिलेने एकत्र रागाच्या भरात गाडे यांना शिवीगाळी करत ठार मारण्याची धमकी दिली. याप्रकरणी रेवदंडा पोलीस ठाण्यात तक्रार नोंदविण्यात आली आहे. शिवीगाळी करणारे दुशांत झावरे हे शिंदे गटाचे कार्यकर्ते आहेत. त्यांच्या या गुंडगिरीमुळे नागरिकंमध्ये असुरक्षिततेची भावना निर्माण झाली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.