जि.प.कर्मचार्‍यास वैद्यकीय मदत द्या – आ. जयंत पाटील

। अलिबाग । विशेष प्रतिनिधी ।
रायगड जिल्हा परिषदेच्या बांधकाम विभागात मजूर या पदावर कार्यरत असलेल्या विजय कृष्णा पाटील यांना उपचारासाठी संबंधीत विभागाकडून आर्थिक मदत देण्याची मागणी आमदार जयंत पाटील यांनी सभागृहात विशेष उल्लेखाद्वारे केली.

विजय कृष्णा पाटील, रा.झिराड, ता.अलिबाग, जि.रायगड हे रायगड जिल्हा परिषदेच्या बांधकाम विभागात मजूर या पदावर दि. 11 ऑक्टोबर 1989 रोजी सेवेत रूजू झालेले असून परिषदेचे उपाध्यक्ष यांच्या शासकीय निवास्थानी सेवेत कार्यरत असताना 10 मार्च 2021 रोजी रायगड जिल्हा हृदयविकाराचा व पक्षघाताचा झटका आल्याने जिन्यावरून पडल्यामुळे त्यांच्या डोक्यात रक्तस्त्राव झाला असल्यामुळे त्यावर उपचार करण्यासाठी शस्त्रक्रिया करणे आवश्यक असून ती खर्चीक आहे. परंतु विजय कृष्णा पाटील हे सेवेत कार्यरत असताना सदर घटना घडलेली असून त्यांच्या उपाचारासाठी संबंधीत विभागाकडून दुर्लक्ष करण्यात आलेले असून आजपर्यंत कोणतीही आर्थिक मदत करण्यात आलेली नाही.

विजय कृष्णा पाटील यांच्या कुंटुबात दुसरे कोणीही कमावते व्यक्ती नसल्यामुळे व त्याच्या आर्थिक परिस्थितीचा सहानुभूतीपूर्वक विचार करून त्यांच्या उपाचारासाठी संबंधीत विभागाकडून आर्थिक मदत करण्यासाठी शासनाकडून निर्देश करण्यात यावे अशी मागणी शेकापक्षाचे आमदार जयंत पाटील यांनी आज सभागृहात विशेष उल्लेखाद्वारे केली.