सह्याद्री मॅरेथॉन स्पर्धा उत्साहात

महाराष्ट्र केशरी शिवराज राक्षेची खास उपस्थिती

| माणगाव | प्रतिनिधी |

टीडब्लूजे (ट्रेड विथ जाझ) आणि सह्याद्री स्पोर्ट्स वेलफेअर असोसिएशन, माणगाव यांच्या संयुक्त विद्यमाने रविवार (दि.12) सह्याद्री मॅरेथॉन स्पर्धेचे आयोजन करण्यात आले होते. या स्पर्धेला महाराष्ट्र केसरी 2023 शिवराज राक्षे यांची उपस्थिती खास आकर्षण ठरली.

महाराष्ट्र केशरी शिवराज राक्षे यांनी दीप प्रज्वलन केले, तर टीडब्ल्यूजे मुख्य व्यवस्थापक समीर नार्वेकर यांनी छत्रपती शिवाजी महाराज यांच्या प्रतिमेला पुष्पहार घालून कार्यक्रमाला सुरुवात करण्यात आली. टीडब्ल्यूजे माणगाव शाखा व्यवस्थापक मुनाफ मुकादम यांनी स्पर्धेबाबत माहिती देताना ही स्पर्धा आरोग्य, व्यायाम, क्रीडा प्रकार याबाबत लोकांमध्ये जनजागृती व्हावी, व्यायामाचे महत्त्व नागरिकांना समजावे यासाठी सह्याद्री मॅरेथॉन स्पर्धेचे आयोजन केल्याचे सांगितले.

स्पर्धेसाठी सात गट तयार करण्यात आले होते. 14 वर्षापर्यंत मुला-मुलींना 3 किलोमीटर अंतर, 17 वर्षांपर्यंत मुला मुलींना 5 किलोमीटर, महिला व पुरुष खुला गट 10 किलोमीटर आणि 45 वर्षांपेक्षा अधिक असणार्‍या व्यक्तीस ड्रीम रन 2 किलोमीटर अशी विभागणी करण्यात आली होती. विविध गटात पहिल्या सहा येणार्‍या विजेत्यांना रोख बक्षिसासह सन्मानचिन्ह व प्रमाणपत्र देण्यात आले. तसेच सहभागी होणार्‍या प्रत्येक स्पर्धकाला प्रमाणपत्र आणि टी-शर्ट देण्यात आले.

स्पर्धेत विजयी झालेले स्पर्धक
14 वर्षाखालील मुली :- प्रथम- मयुरी चव्हाण, उरण, द्वितीय- पूजा सावंत, महाड, तृतीय – वैष्णवी पाटिल, अलिबाग, चतुर्थ – भूमी म्हात्रे, अलिबाग, पाचवा- शामला शिगवण, उसर, सहावा- स्नेहा अंबरले, उसर.
14 वर्षाखालील मुले :- प्रथम- कार्तिक भिसुरे, पनवेल, द्वितीय- समर्थ येरूनकर, उसर, तृतीय – कुशल म्हात्रे, उसर, चतुर्थ- हर्ष तांबे, उसर, पाचवा- ऋतूराज राणे, महाड, सहावा- चंदन शेलार, महाड.
17 वर्षाखालील मुली :- प्रथम- देविका सोनवणे, पनवेल, द्वितीय- कथा वाडकर,अलिबाग, तृतीय- आर्या वाडकर, अलिबाग, चतुर्थ – रविना मोरे, माणगांव, पाचवा- अर्चना ढाकवल, माणगांव, सहावा- मानवी केकाणे, माणगांव.
17 वर्षाखालील मुले :- प्रथम- सोहम मोकल, द्वितीय – रामदास जाधव, तृतीय- विपुल मोकल, चतुर्थ- संजोग म्हात्रे, पाचवा- शंतनू भुवड, सहावा- प्रज्योत कदम. महिला खुला गट :- प्रथम- गायत्री पाटील, रसायनी, द्वितीय – सुप्रिया माळी, उरण, तृतीय- अमिशा भिसे, चतुर्थ- दर्शना पाटील, अलिबाग, पाचवा- नेहा म्हात्रे, सहावा- स्वप्नाली म्हात्रे, पेण.
पुरुष खुला गट :- प्रथम- लक्ष्मण दरवाडा, खोपोली, द्वितीय- करण माळी, उरण, तृतीय – रामू पारधी, नागोठणे, चतुर्थ- अमित पाटील, उरण, पाचवा- प्रेम ठाकूर, सहावा – चिंतामणी शिगवण.
ड्रिम रन :- प्रथम – नथु पवार, महाड, द्वितीय – हर्षद वेदक, तळा, तृतीय- विजय खांबे, महाड, चतुर्थ – राजेंद्र भगत, माणगाव.