रुग्णास घेऊन जाणाऱ्या रुग्णवाहिकेचा भीषण अपघात; दोघांचा मृत्यू

| छत्रपती संभाजीनगर | प्रतिनिधी |

रुग्णवाहिकेची अज्ञात वाहनाला पाठीमागून धडक बसू दोघांचा मृत्यू झाल्याची दुर्दैवी घटना घडली आहे. या दुर्घटनेत 5 जण जखमी झाल्याची घटना समृद्धी महामार्गावरील हडस पिंपळगाव शिवारात बुधवारी (दि.5) पहाटे साडेपाच वाजताच्या सुमारास अपघाताची घडली.

मिळालेल्या माहितीनुसार, समीर मोहम्मद या रुग्णाला घेऊन त्यांचे नातेवाईक रुग्णवाहिकाने नाशिक येथून पटणा येथील एम्स रुग्णालयाकडे जात होते. बिहारकडे जात असताना हडस पिंपळगाव शिवारात अज्ञात वाहनाशी रुग्णवाहिका पाठीमागून धडकली. या अपघातात समीर मोहम्मद (57) राहणार बिहार व अमीना खातून (52) राहणार बिहार अशी अपघातातील मयतांची नावे आहे. रुग्णवाहिकेच्या या दुर्दैवी अपघातात प्रकाश विक्रम पाटील (45) राहणार नाशिक, मोहम्मद इम्तियाज (40) राहणार बिहार, गुलाबसा खातुन (20) राहणार बिहार, सचिन रामदास खरे (42) राहणार नाशिक, हासीब समीर मोहम्मद (37) राहणार बिहार हे या अपघातात जखमी झाले आहे. अपघाताच्या घटनेनंतर अपघातातील जखमींना जवळील रुग्णालयात उपाचारासाठी दाखल करण्यात आले असून पोलिस घटनास्थळी दाखल झाले होते. दरम्यान, अपघातामध्ये रुग्णवाहेकेचेही नुकसान झाले आहे. रुग्णवाहिकेला क्रेनच्या सहाय्याने रस्त्यावरुन हटविण्यात आले आहे.