पोलीस कर्मचाऱ्याची आत्महत्या

| मुंबई | प्रतिनिधी |

मलाडमधील कुरार पोलीस ठाण्यातील पोलीस कर्मचारी यांनी आत्महत्या केली असल्याची माहिती समोर आली आहे. राहत्या घरात गळफास घेत त्यांनी आत्महत्या केली आहे. पोलीस कर्मचारी यांनी गळफास घेत आत्महत्या का केली? आत्महत्या करण्याचे नेमकं कारण काय? याचा शोध सुरू आहे. मात्र, वरिष्ठ अधिकाऱ्यांच्या त्रासाला कंटाळून पोलीस कर्मचारी यांनी आत्महत्या केली असल्याचा आरोप त्यांच्या कुटुंबाने केला आहे.

कुरार पोलीस ठाण्यात तैनात असलेले पोलीस कर्मचारी यांनी गळफास घेत आत्महत्या केली आहे. त्यांनी आपलं आयुष्य राहत्या घरात संपवलं आहे. सुभाष कांगणे असे मृत पोलीस कर्मचाऱ्याचे नाव असून, त्यांनी आत्महत्या का केली? याचा शोध सुरू आहे. याप्रकरणी इतर पोलीस कर्मचारी अनेक अंदाज लावत आहेत. एका प्रकरणाच्या तपासाबाबत मानसिक छळाला कंटाळून कांगणे यांनी आत्महत्या केली. अशी शंका उपस्थित होत आहे. तर, पोलीस कर्मचाऱ्याच्या कुटुंबाने वरिष्ठ अधिकाऱ्यांवर आरोप केला आहे. वरिष्ठ अधिकाऱ्यांच्या छळाला कंटाळून त्यांनी आत्महत्या केली असल्याचा आरोप कुटुंबाकडून करण्यात आला आहे.