कंटेनरच्या धडकेत दुचाकीस्वार ठार

। पुणे । प्रतिनिधी ।

हडपसर-सासवड मार्गावर बुधवारी (दि. 20) रात्रीच्या सुमारास भीषण अपघात झाला. भरधाव कंटेनरने दुचाकीला जोरदार धडक दिली. या अपघातात दुचाकीस्वाराचा मृत्यू झाला. याप्रकरणी हडपसर पोलिसांनी कंटेनरचालकाला अटक केली आहे.

अनिल नामदेव खळदकर (42) हे बुधवारी रात्री आठ वाजण्याच्या सुमारास दुचाकीवरून निघाले होते. दरम्यान, हडपसर-सासवड रस्त्यावर ग्लायडिंग सेंटरसमोर एका भरधाव कंटेनरने त्यांना जोरदार धडक दिली. या अपघातात दुचाकीस्वार खळदकर गंभीर जखमी झाल्याने त्यांचा मृत्यू झाला. याप्रकरणी हडपसर पोलिसांनी कंटेनरचालक महादेव मोहन कवठेकर (34) याच्याविरुद्ध गुन्हा दाखल केला असून त्याला अटक केली आहे. तसेच या घटनेचा अधिक तपास पोलीस करत आहेत.