। अलिबाग । विशेष प्रतिनिधी ।
अलिबाग-कार्लेखिंड मार्गावरील रेवदंडा बायपास येथे ट्रक व मोटार सायकलचा अपघात झाला. यामध्ये दोघेजण जखमी झाले.त्यामुळे या मार्गावर वाहतूक कोंडी झाली होती. जवळपास एक तास पोलीस कोंडी सोडविण्याचा प्रयत्न करीत होते.
रेवदंडा बायपासवरुन पेणच्या दिशेने दोघेजण मोटार सायकलवरुन जात होते. एचपी पेट्रोल पंपाजवळील रस्त्यावर असलेले खड्डे चुकवित असताना मोटार सायकलस्वाराचा ताबा सुटल्याने मोटार सायकल डंपर खाली गेल्याने अपघात झाला.
ही घटना सकाळी 11.30 च्या दरम्यान घडली. या अपघातात मोटार सायकलचा चक्काचुर झाला. दुचाकीवरील दोघांना तातडीने जिल्हा रुग्णालयात दाखल करण्यात आले. या अपघातातमुळे खडीने भरलेल्या डंपरमधील सर्व माल खाली काढल्यामुळे अलिबाग- पेण मार्गावर मोठ्या प्रमाणात वाहतूक कोंडी झाली होती.
