कार्यकर्ते ही आरपीआय आठवले गटाची शिदोरी: राहुल डाळिंबकर

| नेरळ | प्रतिनिधी |

केंद्रीय मंत्री नामदार रामदास आठवले यांच्या माध्यमातून आरपीआय कोकण प्रदेश कार्यकारिणी जाहीर करण्यात आली आहे. या कार्यकर्त्यांचे स्वागत आणि सत्काराचे आयोजन कर्जत शहर आरपीआय आठवले गटाच्या वतीने करण्यात आले.

रिपब्लिकन पार्टी ऑफ इंडिया (आठवले) गटाच्या वतीने काही दिवसांपूर्वी कोकण प्रदेश मधील पदाधिकारी यांच्या नियुक्त्या करण्यात आल्या. त्यातील कर्जत तालुक्यातील कार्यकर्त्यानवर पक्षाचे अध्यक्ष आणि केंद्रीय मंत्री रामदास आठवले यांनी अनेक जबाबदाऱ्या दिल्या आहेत. कर्जत तालुका, कर्जत, नेरळ, माथेरान शहराच्या वतीने कोकण पदाधिकाऱ्यांची सत्कार समारंभ कर्जत बुद्ध नगर येथे आयोजित करण्यात आला होता. सभा अध्यक्षस्थानी आंबेडकरी चळवळीचे जेष्ठ कार्यकर्ते दीपक भालेराव होते आणि त्यांच्या मार्गदर्शनाखाली नवीन करण्यात आले. कर्जत तालुक्यातील कार्यकर्ते राहुल डाळींबकर यांची कोकण प्रदेश कार्याध्यक्ष झाल्याबद्दल तर कोकण संघटक मारुती गायकवाड आणि कोकण उपाध्यक्ष काशिनाथ रुपवते, कोकन सचिव दिनेश गायकवाड, महाराष्ट्र युवक संघटक यादव उत्तम गायकवाड यांना वेगेवगेळ्या जबाबदाऱ्या देण्यात आल्याबद्दल त्या सर्वांचा सत्कार करण्यात आला. त्यावेळी कोकण परदेंश अध्यक्ष म्हणून निवड झालेले प्रकाश मोरे हे देखील आवर्जून उपस्थित होते.

या सोहळ्याचे प्रस्ताविक कर्जत शहर सचिव सुनील सोनवणे यांनी तर यावेळी कर्जत शहराध्यक्ष अरविंद मोरे, नीरज शहराध्यक्ष दिनेश आढाव, कर्जत महिला शहराध्यक्ष वैशाली भोसले, माथेरान शहराध्यक्ष मनीषा शिंदे, कविता शिंदे, वर्षाताई चिकणे, यांच्या हस्ते नवनिर्वाचित पदाधिकारी यांचा संमन करण्यात आला. यावेळी नव्याने नियुक्त झालेले कोकण अध्यक्ष प्रकाश मोरे यांनी आपले मनोगत मांडले कर्जत तालुक्यात पक्ष कसा वाढेल, तसेच (दि.20) मार्च रोजीच्या कार्यक्रमाची रूपरेषा ठरवण्यात आली. तर यावेळी उपजिल्हाध्यक्ष नरेश गायकवाड, युवक तालुका अध्यक्ष अमर जाधव, उपाध्यक्ष प्रकाश गायकवाड, माजी नगरसेवक दीपक मोरे, कर्जत तालुका संघटक भालचंद्र गायकवाड, माजी संघटक भगवान जाधव, माजी सचिव मनोज गायकवाड, माजी युवक सचिव किशोर जाधव, कर्जत विधानसभा विधानसभा अध्यक्ष किशोर गायकवाड, संतोष जाधव युवक शहराध्यक्ष राहुल गायकवाड व पदाधिकारी उपस्थित होते.