खंडणीसाठीच आर्यन खानचं अपहरण

नवाब मलिक यांचा खळबळजनक आरोप!
मुंबई | प्रतिनिधी |
मुंबईतील क्रुझ पार्टी हा आर्यन खानचं अपहरण करून खंडणी उकळण्याचा हा सगळा डाव असल्याचा आरोप राष्ट्रवादीचे नेेत नवाब मलिक यांनी केला आहे. शिवाय या अपहरण नाट्याचे मास्टरमाईंड भाजप नेता मोहीत कंबोज असल्याचा देखील दावा नवाब मलिक यांनी केला आहे.
आर्यन खानला 2 ऑक्टोबरच्या दिवशी क्रूजवर बोलावण्यात आलं होतं, असं नवाब मलिक म्हणाले आहेत. प्रतीक गाबा आणि आमिर फर्निचरवाला यांच्या माध्यमातून आर्यन खान क्रूजवर गेला. मोहीत कंबोज यांच्या साल्याच्या माध्यमातून हे जाळं टाकण्यात आलं. तिथे आर्यन खानला पोहोचवलं गेलं. आर्यन खानचं अपहरण करून 25 कोटींची खंडणी मागण्याचा खेळ सुरू झाला. याची डील 18 कोटींमध्ये झाली. 50 लाख रुपये उचलले देखील गेले होते. पण एका सेल्फीने खेळ बिघडवला, असं नवाब मलिक म्हणाले आहे. के. पी. गोसावीचा आर्यन खानसोबतचा सेल्फी व्हायरल झाला होता.
दरम्यान, भाजपाचे नेते मोहीत कंबोज आणि एनसीबीचे विभागीय संचालक समीर वानखेडे मित्र असल्याचा देखील दावा नवाब मलिक यांनी केला. अपहणाराचे मास्टरमाईंड मोहीत कंबोज आहे. खंडणीच्या खेळात मोहीत कंबोज वानखेडेचे सहकारी आहेत. मोहीत कंबोज आणि वानखेडेचे चांगले संबंध आहेत. स्मशानभूमीत आपला कुणीतरी पाठिंबा करतंय असा दावा वानखेडेंनी केला. 7 तारखेला मोहीत कंबोज आणि वानखेडे स्मशानभूमीच्या बाहेर भेटले. तिथल्या रहिवाशांनी सांगितलं की एक गाडी आली, त्यात बॉडिगार्ड होते. एक दाढीवाला त्यांना भेटला, असा दावा नवाब मलिक यांनी केला.

वानखेडेंचं नशीब चांगलं
वानखेडेंचं नशीब चांगलं की आम्हाला स्मशानभूमीच्या जवळचं सीसीटीव्ही फूटेज मिळालं नाही. तिथला सीसीटीव्ही कॅमेरा बंद होता. या प्रायव्हेट आर्मीचे कंबोज देखील एक खेळाडू आहेत. वानखेडे या शहरात एकच खेळ खेळतात ड्रग्ज माफियांना संरक्षण दिलं जावं आणि त्यांच्याकडून खंडणी उकळली जावी. ड्रग्ज घेणार्‍यांना अडकवून त्यांच्याकडून खंडणी घ्यावी हा खेळ ते खेळत आहेत असा आरोप नवाब मलिक यांनी केला.

नवाब मलिक यांच्याकडे जर पुरावे असेल तर त्यांनी ते कोर्टात सादर करावे असं आवाहन एनसीबीने केलं आहे. वानखेडे आि ण सॅम डिसोझा यांच्यात संपर्क नव्हता असं इंडिया टुडेच्या वृत्तामधून समोर आलं आहे.