मोठी बातमी! ठाकरे गटाच्या नेत्याच्या कारला भीषण अपघात

| मुंबई | वृत्तसंस्था |

शिवसेना ठाकरे गटाचे रायगड लोकसभा मतदारसंघ समन्वयक संजय कदम यांच्या कारचा भीषण अपघात झाल्याची माहिती समोर आली आहे. रायगड जिल्ह्यातील रोहा येथुन प्रचार सभा आटोपून ते मुंबईला परत जात होते. रात्रीच्या सुमारा मुंबई-कुर्ला मार्गावर त्यांच्या कारला आयशर ट्रकने मागून जोरदार धडक दिली. त्यामध्ये कारच्या मागच्या बाजूचा अक्षरश: चेंदामेंदा झाला आहे. या अपघाताचा माहिती मिळताच पोलिसांनी घटनास्थळ गाठून तपास सुरु केला. कारला धडक देणारा आयशर ट्रक पोलिसांनी ताब्यात घेतला आहे. पोलिस अपघातस्थळी दाखल झाल्यानंतर आयशर ट्रक चालकाला ताब्यात घेतले.

अपघातात कोणतीही जीवितहानी झाली नाही. या अपघातामध्ये कारचे मोठे नुकसान झाले असले तरी संजय कदम आणि कारमधील इतर कोणालाही दुखापत झालेली नाही. सर्वजण सुखरूप आहेत. संजय कदम आणि त्यांच्यासोबत असलेले अन्य व्यक्ती यांना कोणतीही दुखापत झाली नाही. अपघातानंतर रस्त्यावर बराच वेळ वाहतुक कोंडी निर्माण झाली होती. अथक प्रयत्नानंतर पोलिसांनी वाहतुक सेवा सुरळीत केली. पोलिसांनी चालकावर गुन्हा दाखल केला आहे. याप्रकरणी पुढील चौकशी सुरु केली आहे.