तहसीलदार राकेश गिड्डेंचे अपघाती निधन
| केज | प्रतिनिधी |
लातूरकडे जात असताना रेणापूरजवळ नियंत्रण सुटल्याने कार उलटून झालेल्या भीषण अपघातात केजचे तहसीलदार राकेश अण्णासाहेब गिड्डे (31) यांचा दुर्दैवी मृत्यू झाला. गिड्डे हे मूळचे सांगली जिल्ह्यातील येलडा येथील रहिवासी होते. एका उमद्या अधिकाऱ्याच्या अपघाती मृत्यूमुळे सर्वत्र हळहळ व्यक्त होत आहे. त्यांच्या पश्चात आई-वडील, पत्नी तसेच दोन वर्षांची मुलगी आहे.
केज येथील तहसीलदार राकेश अण्णासाहेब गिड्डे हे आपल्या ह्युंडाई व्रेटा कारने सकाळी लातूरकडे निघाले होते. रेणापूरजवळ कारवरील नियंत्रण सुटल्यामुळे गिड्डे यांची कार रस्त्याच्या बाजूला तीन चार कोलांटउड्या घेत उलटली. हा अपघात एवढा भीषण होता की, कार संपूर्ण चेपली गेली. राकेश गिड्डे यांना तातडीने रेणापूरच्या रुग्णालयात हलवण्यात आले. मात्र, उपचारापूर्वीच त्यांची प्राणज्योत मालवली होती. उत्तरीय तपासणीसाठी त्यांचे पार्थिव लातूर येथे शासकीय रुग्णालयात पाठवण्यात आले. येलडा या मूळगावी त्यांच्या पार्थिवावर अंत्यसंस्कार करण्यात आले.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.