रुपेश पाटील यांचा वृद्धाश्रमात वाढदिवस साजरा

| वाघ्रण | वार्ताहर |

पेढांबे ग्रामपंचायतीचे माजी सदस्य तंटामुक्त गाव समितीचे अध्यक्ष आणि सामाजिक कार्यकर्ते रुपेश श्रीधर पाटील यांचा 44 वा वाढदिवस 7 जुलै रोजी श्री कृपा वृद्धाश्रम परहूर येथे सकाळी 9.30 वाजता संपन्न झाला. यावेळी प्रथम आश्रमाचे संचालक अ‍ॅड. जयेंद्र गुंजाळ यांनी स्वागत करून सर्व वृद्ध महिला-पुरुषांना रुपेश यांच्या कार्याची माहिती दिली. या कार्यक्रमाला उपस्थित सेवानिवृत्त माध्य. शिक्षक किशोर पाटील, वाघ्रण ग्रा.पं. सदस्य पत्रकार दिपक यशवंत पाटील, अनिल पाटील, अजित पाटील, शरद म्हात्रे व साक्षी पाटील आदींनी मनोगते व्यक्त करताना शुभेच्छा दिल्या. त्यानंतर केक कापून आश्रमातील सर्व वृद्धांना वाटप केला. रुपेश पाटील यांनी सर्व वृद्धांना भेटवस्तू दिल्या. त्याचप्रमाणे सर्वाना सपत्नीक अल्पोपहार वाटप केला.