नागरिकांकडून कारवाईची मागणी
| म्हसळा | वार्ताहर |
म्हसळा शहरात अरुंद रस्त्यांमुळे स्वयंशिस्तीचे धोरण आणि पोलीस प्रशासनाला मदत म्हणून एस.टी. मंडळाच्या बसेस वन वे मार्गाने जात असतात, परंतु अन्य खासगी वाहने दोनही बाजूने वाहतुकीचे नियम तोडून जातात. अशातच तांबट आळींतील अरुंद रस्त्यावर श्रीवर्धन-कोलमांडला मुंबई बस ही मुंबईकडे जात असता शहरातील तांबट आळींतील अरुंद रस्त्यावर श्रीवर्धनकडे जाणारी वॅगनचे चालक अब्दुल हाजी नजीर अहमद खतीब (40), रा. आगरदांडा यांच्याकडून गाडी एसटीला घासली म्हणून कार चालक अब्दुल हाजी खतीब हे रागाने कारमधून उतरून एस.टी. चालकाच्या केबीन मध्ये घुसून ड्रायव्हर लिंबराज चोरमले, (35) याला लाथाबुक्क्यानी मारहाण केली. कंडक्टर गणेश पवार यांनी कार चालक अब्दुल हाजी खतीब याना आमची चूक काही नाही असे सांगताच रागाने कंडक्टर गणेशलाही मारहाण केल्यामुळे ड्रायव्हर आणि कंडक्टरने पोलीस ठाणे गाठले आणि कार चालक अब्दुल हाजी खतीब यांच्याविरुद्ध तक्रार दिली. या गुन्हाचा तपास पोलीस उपनिरीक्षक ज्ञानेश्वर एडवळे, स.पो.नि.संदीप कहाळे यांच्या मार्गदर्शनाखाली करीत आहेत. कार चालक खतीब यांनी केलेल्या मारहाणीमुळे बसमधील प्रवासी आणि म्हसळा शहरातील नागरिकानी नाराजी व्यक्त केली.