धक्कादायक! भंगाराच्या दुकानात घुसला मालवाहू ट्रेलर

। उरण । वार्ताहर ।
दिघोडे गावातील रस्त्यालगत असलेल्या भंगाराच्या दुकानात मालवाहू ट्रेलर घुसल्याची घटना मंगळवारी (दि.2) रात्रीच्या सुमारास घडली. या अपघातात भंगाराच्या दुकानातील माणसे थोडक्यात बचावली. हा अपघात दिवसा घडला असता किंवा जवळच असणार्‍या विद्यालयात गेला असता तर जीवितहानी झाली असती अशी भीती माजी सरपंच ठाकूर यांनी व्यक्त केली.