साळावमध्ये श्रीसंत रोहिदास यांची जयंती साजरी

। कोर्लई । वार्ताहर ।

मुरुड तालुक्यातील साळावमध्ये संत रोहिदास नवतरुण मंडळातर्फे श्रीसंत रोहिदास जयंती यांची जयंती विविध कार्यक्रमांनी साजरी करण्यात आली.

तळा येथील पशुधन विकास अधिकारी डॉ. शिवाजी वाघ, रेवदंडा पोलीस ठाण्याचे सहाय्यक पोलीस उपनिरीक्षक दिपक म्हशिलकर, सरपंच वैभव कांबळी, उपसरपंच दिनेश बापलेकर, सदस्य दत्ता पाटील, शितल वाणी, अंकिता कांबळी, सन्मित्र वाहतूक संघटना उपाध्यक्ष सय्यद खान, सामाजिक कार्यकर्ते चंद्रशेखर मयेकर, प्राथमिक शाळा मुख्याध्यापिका अपेक्षा म्हात्रे, श्रीसंत रोहिदास नवतरुण मित्र मंडळाचे अध्यक्ष गणेश नागोठणेकर, उपाध्यक्ष कृष्णा वाडेकर, सचिव संदीप नागोठणेकर, खजिनदार विजय नागोठणेकर, कार्याध्यक्ष जगदीश वाडेकर, सह कार्याध्यक्ष आकाश नागोटकर, सल्लागार प्रमोद नागोठणेकर, सदस्य विकास नागोटकर, संजय वाडेकर, अविनाश वाडेकर, अनंत वाडेकर, धर्मेंद्र नागोटकर शंकर नागोटकर, शांताराम नागोटकर, दीपक नागोटकर उपस्थित होते.
यावेळी डॉ.शिवाजी वाघ व दिपक म्हशीलकर, गणेश नागोठणेकर, दिनेश बापलेकर यांच्या हस्ते दिपप्रज्वलन व छत्रपती शिवाजी महाराज, भारतरत्न डॉ, बाबासाहेब आंबेडकर, श्रीसंत रोहिदास यांच्या प्रतिमेला पुष्पहार अर्पण करण्यात आला. कार्यक्रमाचे औचित्य साधून यावेळी प्राथमिक, माध्यमिक, उच्चमाध्यमिक, पदवीधर विद्यार्थी व सेवानिवृत्त, आदर्श कर्मचारी यांचा सन्मान करण्यात आला.