वन विभागाच्यावतीने पाणपक्षांची प्रगणना

। पाताळगंगा । प्रतिनिध ।

अपर प्रधान मुख्य वनरक्षक महाराष्ट्र राज्य यांच्यावतीने हिवाळी पाणपक्षांची प्रगणना करण्याकरिता जागतिक संस्थेने ठरविलेल्या निकषानुसार खालापूर तालुका वन विभागाने रविवारी (दि.19) तालुक्यातील विवीध पाणस्थळांवर सर्वेक्षण कार्यक्रमाचे आयोजन केले होते. यावेळी, पाणस्थळावर स्थानिक प्रजातीं सोबत विदेशी पक्षी निरीक्षण आणि प्रगणना करण्याकरिता वन खात्याचे अधिकारी आणि कर्मचार्‍यांच्या सोबत पक्षी मित्र तसेच हेल्प फाऊंडेशन सारख्या संस्था देखील सहभागी झाल्या होत्या. खालापूर तालुका वनाधिकारी राजेंद्र पवार यांच्या मार्गदर्शनाखाली पूर्व नियोजित सर्वेक्षण कार्यक्रमानुसार पहाटेपासून सूर्योदय झाल्यानंतर काही वेळ संपूर्ण महाराष्ट्रासह खालापूर तालुक्यातल्या पाणस्थळावर पक्षी निरीक्षण करून नोंद करण्यात आली.