। पाली/गोमाशी । वार्ताहर ।
ठाणे जिल्हा कबड्डी असो.च्या सहकार्याने सुधागड तालुका स्तरीय भव्य कबड्डी स्पर्धेचे आयोजन ठाण्यातील चंदनवाडी येथील क्रोमॅड गोदूताई परुळेकर मैदानात करण्यात आले होते. या स्पर्धेत तालुक्यातील नामवंत 32 संघांनी आपला प्रवेश नोंदविला होता. या कबड्डी स्पर्धेसाठी सुधागड तालुक्यासह ठाण्यातील क्रीडाप्रेमींनी मोठ्या प्रमाणावर गर्दी केली होती. या स्पर्धेतील अंतिम लढत स्वयंभू हनुमान चिवे आणि नाथभैरव झाप या संघात झाली. या लढतीत स्वयंभू हनुमान चिवे हा प्रथम क्रमांकाच मानकरी ठरला असून या संघाला रोख रक्कम 21 हजार रु. व आकर्षक चषक देऊन गौरविण्यात आले. तर, द्वितीय क्रमांकाचा मानकरी ठरलेला नाथभैरव झाप या संघाला रोख रक्कम 15 हजार रु. व आकर्षक चषक देण्यात आले. तसेच, तृतीय क्रमांकांचा मानकरी ठरलेला ओम कालभैरव आपटवणे आणि चतुर्थ क्रमांकाचा मानकरी ठरलेला भैरवनाथ नागशेत या दोन्ही संघाना प्रत्येकी 10 हजार रु. व आकर्षक चषक देऊन गौरविण्यात आले.