सिप्ला कर्मचाऱ्यांची स्वच्छता मोहीम

| आपटा | वार्ताहार |

पाताळगंगा एमआयडीसीमधील सिप्ला कंपनीच्या 148 कर्मचाऱ्यांनी कंपनीच्या बाहेरील एमआयडीसीच्या रस्त्यावर स्वच्छता करून कंपनीच्या सिप्ला फॉर चेंज या उपक्रमातर्गत सामाजिक कार्य केले. या उपक्रमाबद्दल बोलताना सिप्ला कंपनीचे विनायक काळे म्हणाले की महात्मा गांधी यांच्या मनातील स्वच्छ भारत ही संकल्पना पंतप्रधान नरेंद्र मोदी यांनी स्वच्छ भारत – एक कदम स्वच्छता की ओर या संकल्पनेतून गावागावांमध्ये रुजवली. त्याचाच धागा पकडून सिप्लाच्या कर्मचाऱ्यांनी स्वच्छते बद्दल जागरूक असावे म्हणून हा उपक्रम सातत्याने राबविण्यात येत आहे. यावेळी कंपनीचे अधिकारी उदय वाघ, श्रीकांत मुदगल, नेहा पाल, संतोष बारी इत्यादी उपस्थित होते.