‘दंगा काबू’ योजनेची रंगीत तालीम

| पनवेल | वार्ताहर |

आगामी काळातील गुढीपाडवा, रमजान ईद, तसेच श्रीराम नवमी या सणांच्या पार्श्‍वभूमीवर तसेच नागपूर येथे घडलेल्या अप्रिय घटनेच्या अनुषंगाने पनवेल शहरातील कर्नाळा भाजी मार्केट या ठिकाणी ‘दंगा काबू’ योजनेची रंगीत तालीम घेण्यात आली. वरिष्ठ पोलीस निरीक्षक नितीन ठाकरे यांच्या मार्गदर्शनाखाली या दंगा काबू योजनेच्या रंगीत तालमीत पोलीस निरीक्षक गुन्हे यांच्यासह 2 सहाय्यक पोलीस निरीक्षक, 2 पोलीस उपनिरीक्षक आणि 30 पोलीस अंमलदार, बीट मार्शल क्रमांक 1 ते 5 वरील अंमलदार, पनवेल मोबाईल 2 वरील अंमलदार यांच्यासह नवी मुंबई महानगरपालिका पनवेल अग्निशामक विभागाची फायरबंबासह 1 अधिकारी आणि 7 कर्मचारी उपस्थित होते.