काशीद बीचवर पर्यटकांची गर्दी

| कोर्लई | वार्ताहर |

पर्यटनात जगाच्या पटलावर नावारूपाला आलेल्या काशीद बीच समुद्रकिनाऱ्यावर जूनच्या दुसऱ्या विकेंडला पर्यटकांनी मौजमजा करीत पर्यटनाचा आनंद लुटला.

काशीद-बीच समुद्रकिनारा भरतीच्या वेळेस फेसाळणारे पाणी, उसळणाऱ्या लाटा, किनाऱ्यावरील शुभ्र वाळू येथे पर्यटकांना आकर्षित करते. पर्यटकांच्या सोयी-सुविधात याठिकाणी असलेली स्पीडबोट, पँरेसेलिंगबोट, बनाना, बंफर तसेच घोडा-उंटावरील सफर पर्यटनाचा आनंद द्विगुणीत करते. तसेच, याठिकाणी विविध खाद्य-पेय चहा-नाष्टा सोयी सुविधा उपलब्ध आहेत. याठिकाणी दर शनिवार, रविवार तसेच सुटीच्या दिवशी मोठ्या प्रमाणावर पर्यटक भेट देत असतात. रस्त्यावर दुतर्फा वाहनांच्या रांगा लागलेल्या असतात. वेळप्रसंगी ट्रॅफिक जमलाही सामोरे जावे लागते. देश-विदेशातील पर्यटक देखील आवर्जून भेट देत असतात. यंदा मे महिन्याच्या पहिल्या आठवड्यात वादळी वाऱ्यासह जोरदार अवकाळी पाऊस झाला. याचा येथील पर्यटनावर व व्यवसायांवर परीणाम दिसून आला. जूनच्या दुसऱ्या विकेंडला रविवारी काशीद बीचवर पर्यटकांनी साइड बाईक, घोडागाडी सफर करीत पर्यटनाचा आनंद लुटला.