पनवेल विकास पत्रकार मंचाच्या वतीने ब्लँकेटचे वाटप

| पाली/बेणसे । वार्ताहर ।

पनवेल परिसरातील 75 निराधार ज्येष्ठ नागरिकांना गुरुवार दि.25 रोजी तालुका विकास पत्रकार मंचाच्या वतीने मायेची उब असा आगळा वेगळा कार्यक्रम संपन्न झाला.

तालुक्यातील स्नेह कुंज आधार गृह नेरे येथील 30 निराधार ज्येष्ठ नागरिक, शुभम सेवालय वृद्धाश्रम येथील 20 निराधार ज्येष्ठ नागरिक, वरलेश्‍वर वृद्धाश्रम, नेरे येथील 12 निराधार ज्येष्ठ नागरिक व साई आश्रय वृद्धाश्रम सेवाभावी संस्था नवीन पनवेल येथील 13 निराधार ज्येष्ठ नागरिकांना मायेची उब म्हणजेच ब्लँकेट व तसेच ताट, वाटी, गडू अश्या वस्तूंचे वाटप करण्यात आले. यावेळी माधव पाटील, संजय सोनावणे, मंदार दोंदे, संजय कदम, अविनाश कोळी, विवेक पाटील, मयूर तांबडे, राजू गाडे, अनिल कुरघोडे, प्रवीण मोहकर, स्वराज सोनावणे, शार्दूल, सुनील राठोड आदी पत्रकार, संस्थेचे पदाधिकारी आणि सदस्य यावेळी उपस्थित होते.