उद्या रायगड भुषण पुरस्काराचे वितरण

। अलिबाग । विशेष प्रतिनिधी ।
रायगड जिल्ह्यातील, सामाजिक तसेच विविध क्षेत्रात विशेष नाविण्यपूर्ण व उल्लेखनिय कामगिरी केलेल्या व्यक्तींना रायगड जिल्हा परिषदेमार्फत प्रदान केला जाणारा मानाचा रायगड भुषण पुरस्काराचे प्रदान सोहळ्याचे आयोजन रविवार दि. 6 मार्च रोजी दुपारी 2 वाजता करण्यात आले आहे. अलिबाग येथील पीएनपी नाटयगृहात आयोजित करण्यात आलेल्या पुरस्काराचे वितरण राज्यमंत्री तथा पालकमंत्री अदिती तटकरे यांच्या अध्यक्षतेखाली खासदार सुनील तटकरे, आमदार जयंत पाटील, माजी राज्यमंत्री मीनाक्षी पाटील यांच्या हस्ते करण्यात येणार असल्याची माहिती जिल्हा परिषदेच्या अध्यक्षा योगिता पारधी, उपाध्यक्ष सुधाकर घारे, मुख्य कार्यकारी अधिकारी डॉ किरण पाटील यांनी दिली.

या कार्यक्रमाला विशेष अतिथी म्हणून खासदार श्रीरंग बारणे, आ. निरंजन डावखरे, आ.बाळाराम पाटील, आ.अनिकेत तटकरे, आ. भरत गोगावले, आ. रविंद्र पाटील, आ. महेंद्र थोरवे आदी उपस्थित राहणार आहेत. तर प्रमुख अतिथी म्हणून माजी आमदार सुरेश लाड, माजी आ.पंडित पाटील, माजी आ.धैर्यशिल पाटील, माजी आ.मनोहर भोईर यांची उपस्थिती असणार आहे. त्याचप्रमाणे महिला व बालकल्याण सभापती गीता जाधव, अर्थ व बांधकाम सभापती अ‍ॅड.निलीमा पाटील, कृषी व पशुसंवर्धन सभापती बबन मनवे, समाजकल्याण सभापती दिलीप भोईर, शेकाप पक्ष प्रतोद अ‍ॅड.आस्वाद पाटील, राष्ट्रवादी काँग्रेस पक्ष प्रतोद बबन चाचले, भाजप पक्ष प्रतोद अमित जाधव, काँग्रेस पक्ष प्रतोद बाजीराव परदेशी त्याचप्रमाणे अलिबाग पंचायत समितीचे सभापती प्रमोद ठाकूर, अलिबागचे नगराध्यक्ष प्रशांत नाईक आदी मान्यवरांची प्रमुख उपस्थिती असणार आहे.