। पुणे । प्रतिनिधी ।
कोरेगाव पार्क भागातील एका खासगी कंपनीतील रोखपालाने दोन कोटी रुपयांचा अपहार केल्याचे उघडकीस आले. याप्रकरणी रोखपालाविरुद्ध गुन्हा दाखल करण्यात आला आहे.
खासगी कंपनीचे मालक जिनेंद्र दिलीप दोशी यांनी कोरेगाव पार्क पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, दोशी यांची जेनसिस इव्हेंट मॅनेंजमेंट कंपनी आहे. या कंपनीचे कार्यालय कोरेगाव पार्क भागात आहे. रोखपालाने दोशी आणि त्यांचा भागीदारांना विश्वासात घेऊन कंपनीतील सर्व आर्थिक व्यवहार ताब्यात घेतले. कर भरण्याबाबतच्या बनावट नोंदी करुन रोखपालाने दोन कोटी रुपयांचा वेळोवेळी अपहार केला. संबंधित रक्कम रोखपालाने स्वत:च्या बँक खात्यात, तसेच नातेवाईकांच्या खात्यात हस्तांतरित केली. लेखापरीक्षणात नुकताच हा प्रकार उघडकीस आल्यानंतर दोशी यांनी पोलिसांकडे तक्रार दिली.