149 कंपन्यांचा सहभाग; 29 सप्टेंबरला मुलाखती
| अलिबाग | प्रतिनिधी |
जिल्हा कौशल्य विकास, रोजगार व उद्योजकता मार्गदर्शन केंद्राच्या वतीने 29 सप्टेंबर रोजी रायगड जिल्ह्यात 12 ठिकाणी ‘रोजगार महाकुंभ-महाराष्ट्र’ आयोजित करण्यात आला आहे. जिल्ह्यातील नोकरी इच्छुक युवकांनी नोंदणी करून संबंधित ठिकाणी मुलाखतीसाठी उपस्थित राहावे, असे आवाहन करण्यात आले आहे.
या रोजगार मेळाव्यासाठी जिल्ह्यातील 149 कंपन्यांनी नोंदणी केली असून एसएससी, एचएससी, आयटीआय, डिप्लोमा, इंजिनिअरिंग, फार्मसी तसेच विविध पदवीधारक उमेदवारांना रोजगार व अप्रेंटिसशिपच्या संधी उपलब्ध होणार आहेत. उमेदवारांना “महास्वयम् रोजगार पोर्ट” (https://rojgar.mahaswayam.gov.in?utm_source=chatgpt.com) वर नोंदणी करून ऑनलाइन अर्ज करता येणार आहे. मेळाव्यापूर्वी उमेदवारांना सीव्ही तयार करणे, व्यक्तिमत्त्व विकास, मुलाखत कौशल्य, संवाद कौशल्य व मॉक इंटरव्ह्यू याबाबत 16 शासकीय औद्योगिक प्रशिक्षण संस्थांमार्फत मोफत प्रशिक्षण देण्यात आले आहे. नवीन पनवेल, लोणेरे, खारघर, पाली, कर्जत, रोहा, खोपोली, कामोठे, पेण, अलिबाग आदी 12 ठिकाणी रोजगार मेळावे होणार आहेत. जिल्ह्यातील जास्तीत जास्त युवकांनी या संधीचा लाभ घ्यावा, असे आवाहन करण्यात आले आहे.