रोहितचा महारेकॉर्ड ब्रेक
। मुंबई । वृत्तसंस्था ।
ऑस्ट्रेलियात सध्या बिग बॅश लीग स्पर्धेचा थरार सुरु आहे. ऑस्ट्रेलियाचा अनुभवी ऑलराउंडर ग्लेन मॅक्सवेल याने या स्पर्धेतील 40 व्या सामन्यात धमाकेदार खेळी केली. मेलबर्न स्टार्ससाठी खेळताना मॅक्सवेल याने होबार्ट हरिकेन्स विरुद्ध 19 जानेवारीला झंझावाती आणि विस्फोटक खेळी केली. मॅक्सवेलच्या या खेळीच्या जोरावर मेलबर्न स्टार्सने होबार्ट हरिकेन्सवर 40 धावांनी मात केली. ग्लेन मॅक्सवेलने या सामन्यात 32 चेंडूत 76 धावा केल्या. मॅक्सवेलने या खेळीसह टीम इंडियाच्या रोहित शर्मा याचा महारेकॉर्ड ब्रेक केला.
दरम्यान ग्लेन मॅक्सवेल याच्या नाबाद खेळीच्या जोरावर मेलबर्न स्टार्सने 20 ओव्हरमध्ये 5 विकेट्स गमावून 219 धावा केल्या. मात्र होबार्ट हरिकेन्सचे 19.3 ओव्हरमध्ये 179 रन्सवर पॅकअप झाले. मॅक्सवेलला त्याच्या या खेळीसाठी सामनावीर पुरस्कारने गौरवण्यात आले.
रोहित शर्माचा महारेकॉर्ड ब्रेक
ग्लेन मॅक्सवेलने 76 धावांच्या खेळीत 5 चौकार आणि 6 षटकार लगावले. ग्लेनने या खेळीत चौकार आणि षटकारांच्या मदतीने 11 चेंडूत 56 धावा केल्या. तर 20 धावा फक्त धावून घेतल्या. ग्लेनने या खेळीतील 6 सिक्ससह रोहित शर्मा याला मागे टाकले. ग्लेन मॅक्सवेलने यासह रोहित शर्माला मागे टाकत टी- 20 क्रिकेटमध्ये सर्वाधिक सिक्स ठोकणारा सातवा फलंदाज ठरला. तर रोहितची आठव्या स्थानी घसरण झाली. ग्लेन मॅक्सवेल याने आतापर्यंत 458 टी- 20 सामन्यांमध्ये 528 सिक्स लगावले आहेत. तर रोहितच्या नावावर 448 सामन्यांमधील 435 डावात 525 षटकार खेचले आहेत.
टी 20 क्रिकेटमध्ये सर्वाधिक सिक्स
ख्रिस गेल : 1056
किरॉन पोलार्ड : 901
आंद्रे रसेल : 729
निकोलस पूरन : 593
कॉलिन मुनरो : 550
एलेक्स हेल्स : 538
ग्लेन मॅक्सवेल : 528
रोहित शर्मा : 525