बांगलादेशी नागरिकाकडे बनावट अधारकार्ड आणि पासपोर्ट
स्वारगेट पोलिसांनी घेतले ताब्यात
। पुणे । प्रतिनिधी ।
स्वारगेट परिसरातील महर्षीनगर परिसरात दहा वर्षांपासून बेकायदा वास्तव्य करणाऱ्या बांगलादेशी नागरिकाला स्वारगेट पोलिसांनी ताब्यात घेतले आहे. धक्कादायक म्हणजे त्याच्याकडे बनावट आधार कार्ड, पारपत्र, मतदार ओळखपत्र आणि पॅन कार्ड सापडले असून पोलिसांनी सर्व कागदपत्रे जप्त केली आहेत.
एहसान हाफीज शेख (34) हा बांगलादेशी नागरिक दहा वर्षांपासून पुण्यात बेकायदा वास्तव्य करत असून त्याचा कपडे विक्रीचा व्यवसाय आहे. याबाबत स्वारगेट पोलिसांना माहिती मिळताच पोलिसांनी महर्षीनगर परिसरात सापळा रचून त्याला ताब्यात घेतले. तर त्याच्याकडून बनावट आधार कार्ड, पारपत्र, मतदार ओळखपत्र आणि पॅन कार्ड जप्त करण्यात आले असून त्याच्याविरुद्ध परकीय नागरिक कायदा, पारपत्र अधिनियम आणि बनावट कागदपत्रे बाळगल्याप्रकरणी गुन्हा दाखल केला आहे. तसेच त्याने बनावट कागदपत्रे कशी मिळविली, कागदपत्रे तयार करून देण्यात कोणाचा सहभाग आहे, याचा तपास पोलिस करीत आहेत.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.