म्हशीला वाचवण्याच्या नादात चार वाहनांची धडक; चौघांचा मृत्यू
। उदयपूर । वृत्तसंस्था ।
उदयपूर-अहमदाबाद महामार्गावरील ऋषभदेवजवळ शनिवारी (दि.11) रात्री भीषण अपघात घडला. म्हशीला वाचवण्याच्या नादात टँकर, ट्रक, जीप आणि बोलेरो अशा चार वाहनांची एकमेकांना धडक झाली. यामध्ये चार जणांचा जागीच मृत्यू झाला. तर अनेक जण जखमी झाले आहेत.
उदयपूर-अहमदाबाद महामार्गावरील ऋषभदेवजवळ शनिवारी रात्री हा अपघात घडला. उदयपूरहून परतणारी बोलेरो म्हशीला वाचवण्याचा प्रयत्न करताना दुभाजक ओलांडून दुसऱ्या लेनमध्ये उलटली. बोलेरोमधील चारही प्रवासी बाहेर पडून दुभाजकावर उभे राहण्यात यशस्वी झाले. मात्र समोरून एक भरधाव ट्रेलर आला जो दुभाजकाला धडकला आणि त्या चौघांनाही चिरडले. धडक इतकी भीषण होती की मृतदेह ओळखता येत नव्हते.
अपघाताची माहिती मिळताच पोलिसांनी घटनास्थळी धाव घेतली. वाहने क्रेनच्या मदतीने बाजूला करण्यात आली आहेत. अपघातातील जखमींना ताबडतोब ऋषभदेव रुग्णालयात नेण्यात आले आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.