लाठीकाठी स्पर्धेत गौरांश आणि अर्चितची बाजी
| अलिबाग | प्रतिनिधी |
राज्यस्तरीय लाठी अजिंक्यपद स्पर्धा नुकतीच अलिबागमध्ये पार पडली. या स्पर्धेत मुंबईतील गौरांश राजेंद्र सावर्डेकर व अर्चित अभिजीत वाडेकर यांनी बाजी मारत प्रथम व द्वितीय क्रमांक मिळविला. दिल्ली येथे जानेवारी 2024 मध्ये होणाऱ्या आंतरराष्ट्रीय ऑलंपिक क्रीडा स्पर्धेसाठी या दोन्ही खेळाडूंची निवड करण्यात आली आहे.
अलिबागमधील कुरुळ येथील आरसीएफ क्रीडा संकुलात 17 ते 19 नोव्हेंबर या कालावधीत स्पर्धा घेण्यात आली. या स्पर्धेत वेगवेगळ्या जिल्ह्यातील शेकडो खेळाडू सहभागी झाले होते. वयोगटानुसार घेण्यात आलेल्या स्पर्धेत गौरांश सावर्डेकर व अर्चित वाडेकर या दोघांनी चांगली कामगिरी बजावली. त्यांच्या या कामगिरीबद्दल गौरांशला सुवर्णपदक तर अर्चितला रौप्यपदक व प्रमाणपत्र देऊन गौरविण्यात आले. हे दोन्ही खेळाडू मुंबई आग्रीपाडा येथील आहेत. आई व वडिलांकडून मिळालेल्या प्रोत्साहनाबरोबरच प्रशिक्षक सुधीर कांबळे यांचे त्यांना मार्गदर्शन मिळत आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.