गोवठणे शाळेला कॉम्प्युटर भेट

| उरण | वार्ताहर |

इंडियन ऑइल अदानी वेंचर नवघर टर्मिनल यांच्या सीआरएस फंडातून रायगड जिल्हा परिषद प्राथमिक शाळा गोवठणेसाठी चार कॉम्प्युटर, दोन लॅपटॉप, एक प्रिंटर, एक झेरॉक्स मशीन आणि दोन टेबल गोवठणे ग्रामपंचायतीच्या सरपंच प्रणिता म्हात्रे व शाळेच्या मुख्याध्यापिका वंदना म्हात्रे यांच्या उपस्थितीत देण्यात आल्या.

रायगड जिल्हा परिषद शाळा गोवठणे या ठिकाणी आयोजित करण्यात आलेल्या कार्यक्रमाप्रसंगी इंडियन ऑइल अदानी टर्मिनलचे सीओओ अतुल खराटे यांनी सांगितले की, आपण ग्रामीण भागातील मुलांना आणि आदिवासी मुलांचे देणे लागतो, मुंबईच्या बाहेर पण जग आहे त्याची जाणीव ठेवून इंडियन ऑइल आणि अदानी टर्मिनल्सच्या माध्यमातून विविध सामाजिक उपक्रम राबविण्यात येत आहेत. तसेच यापुढेही इंडियन ऑइलच्या माध्यमातून परिसरातील शाळांसाठी भरीव कामगिरी करण्याचा संकल्प असून, ग्रामीण भागातील मुलांना सहकार्य आणि शैक्षणिक मदत केल्याच्या आनंद अशा सामाजिक उपक्रमातून प्राप्त होत आहे. तरी ग्रामीण भागातील मुलांनी अभ्यासाची कास धरून मोठ्या पदावर जाण्याचे स्वप्न पाहणे गरजेचे असल्याचे मत शेवटी अतुल कराटे यांनी व्यक्त केले.

यावेळी गोवठणे गावच्या सरपंच प्रणिता म्हात्रे, इंडियन ऑइल अदानी टर्मिनल्सचे वरिष्ठ अधिकारी अतुल खराटे, नवघर टर्मिनलचे भुपेश शर्मा, डीजीएम नीरज मनीक्कम, ओपेशन मॅनेजर सतीश म्हात्रे, संदीप काळे, प्रफुल्ल म्हात्रे, परमानंद पाटील, उपाध्यक्ष राजेंद्र पाटील, निर्णय पाटील, अर्पिता म्हात्रे, सारिका म्हात्रे, संगीता म्हात्रे, शाळेच्या मुख्याध्यापिका वंदना म्हात्रे, शिक्षक नेते निर्भय म्हात्रे, च.वी. म्हात्रे, ग्रामसेविका उर्मिला पाटील, प्रशासन अधिकारी काळे तसेच शाळा व्यवस्थापन समितीचे पदाधिकारी उपस्थित होते. यावेळी कार्यक्रमाचे सूत्रसंचालन निर्भय म्हात्रे यांनी करून उपस्थितांचे आभार व्यक्त केले.