बसमध्ये महिलेच्या हातातील सोन्याची बांगडी चोरीला
। पनवेल । प्रतिनिधी ।
बस मध्ये चढत असताना महिलेच्या हातातील सोन्याची बांगडी कट करून चोरून नेल्याप्रकरणी अनोळखी व्यक्तीविरोधात पनवेल शहर पोलीस ठाण्यात गुन्हा दाखल करण्यात आला. यातील तक्रारदार महिला या पनवेल बस डेपो मधून बाहेर येऊन कल्याण येथे जाण्यासाठी एनएमएमटी बस पकडण्यासाठी पनवेल बस डेपो बाहेर ब्रिज खाली उभ्या होत्या. बस स्थानकावर एनएमएमटी महामंडळाची बस पनवेल रेल्वे स्थानक ते बैल बाजार कल्याण येथे आली असता त्या बस मध्ये चढण्यासाठी गेल्या. यावेळी प्रवाशांची गर्दी होती. बस मध्ये चढत असताना त्यांच्याकडे कपड्यांच्या दोन बॅगा असल्याने या गर्दीचा फायदा घेऊन अज्ञाताने त्यांच्या हातातील 13 ग्राम वजनाची सोन्याची बांगडी कट करून चोरी केली.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.