जेएनपीए-एसईझेडमध्ये गुंतवणुकीची उत्तम संधी

। उरण । वार्ताहर ।
जवाहरलाल नेहरू बंदर प्राधिकरण हे भारतातील सर्वोत्तम कामगिरी करणारे बंदर असून जेएनपीएने 27 मे रोजी मुंबईत भारतीय उद्योग महासंघाच्या सहकार्याने ’जेएनपीए-एसईझेड इन्व्हेस्टर कॉन्क्लेव्ह 2022’ चे आयोजन केले होते. गुंतवणूकदारांना भविष्यातील विकासामध्ये गुंतवणुक करण्यासाठी व देशाच्या वाढत्या बंदर-उद्योग आधारित अर्थव्यवस्थेचा एक भाग होण्यासाठी गुंतवणूकदारांना भरपूर संधी उपलब्ध देण्याच्या उद्देशाने या कॉन्क्लेव्होचे आयोजन करण्यात आले होते.
बंदर आधारित औद्योगिकीकरणाच्या उद्दिष्टाच्या अनुषंगाने, जेएनपीएने हा बहु-उत्पादन विशेष आर्थिक क्षेत्र प्रकल्प 277.38 हेक्टर फ्रीहोल्ड जमिनीवर विकसित केला आहे. अशाप्रकारचे हे औद्योगिक केंद्र भारतातील पहिले बंदर-आधारित बहु-उत्पादन कार्यरत विशेष आर्थिक क्षेत्र आहे.
या विशेष आर्थिक क्षेत्रामध्ये उपलब्ध असलेल्या गुंतवणूकीच्या विविध संधी व जागतिक दर्जाची वैशिष्ट्ये अधोरेखित करताना जेएनपीएचे संजय सेठी जेएनपीए एसईझेडच्या या विशिष्ट प्रकल्पासह बंदर-आधारित व्यवसाया वाढीच्या पैलूंना अधिक बळकट करण्यासाठी सज्ज असल्याचे सागितले. या एसईझेडमध्ये सिंगल-विंडो क्लिअरन्स, मल्टी-मॉडल कनेक्टिव्हिटी आणि अत्याधुनिक पायाभूत सुविधां उपलब्ध आहेत. भारतामध्ये व्यवसाय स्थापन करण्यासाठी आणि निर्यात-केंद्रित उद्योगांना चालना देण्यासाठी हा एक आदर्श पर्याय आहे. जेएनपीएच्या वतीने, मी सर्व संभाव्य गुंतवणूकदारांना या प्रकल्पाचा भाग होण्यासाठी आणि भविष्यातील विकासामध्ये गुंतवणूक करण्यासाठी आमंत्रित केले. कॉन्क्लेव्ह दरम्यान, जेएनपीए एसईझेडमध्ये बंदर आधारित औद्योगिकीकरण: संभाव्य संधी,’ आणि ’जेएनपीए-सेझ: व्यवसाय सुलभीकरण या विषयावर पॅनेल चर्चा झाली.
यावेळी भागधारक व गुंतवणूकदारांना जेएनपीए-एसईझेडची विविध वैशिष्ट्ये दर्शविण्यासाठी व्हिडिओच्या माध्यमातून सादरीकरण केले या कार्यक्रमास जेएनपीएचे उन्मेष शरद वाघ, श्याम जगन्नाथन, एन व्ही कुलकर्णी, नितिन बोरवणकर, सीईओ, जेएनपीए-सेझ उपस्थित होते.