। रसायनी । वार्ताहर ।
भारतरत्न डॉ. बाबासाहेब आंबेडकर यांच्या 65 व्या महापरिनिर्वाण दिनानिमित्त त्यांच्या स्मृतींना जिल्हाभरात भीम अनुयायांकडून अभिवादन करण्यात आले. कोरोनाचे निर्बंध शिथिल असले तरी ओमिक्रॉनचं सावट आहे. त्यामुळे नियम पाळूनच अभिवादन करावं असं आवाहन करण्यात प्रशासनाकडून आलं होतं. महाडच्या चवदार चवदार तळे परिसरात मेणबत्या प्रज्ज्वलित करून अभिवादन करण्यात आलं. महाड आणि परीसरातील शेकडो आंबेडकरी अनुयायी चवदार तळ्यावर उपस्थित होते.
रसायनीत डॉ. बाबासाहेब आंबेडकर महापरिनिर्वाण दिनानिमित्त अभिवादन
एच.ओ.सी. कॉलनीतील भारतरत्न डॉ. बाबासाहेब आंबेडकर भवन येथे डॉ. बाबासाहेब आंबेडकर यांना महापरिनिर्वाण दिनानिमित्त विनम्र अभिवादन करण्यात आले. रसायनीतील डॉ. बाबासाहेब आंबेडकर भवन येथे जिल्ह्यातील अनुयायांनी एकत्र येऊन डॉ. बाबासाहेबांना अभिवादन केले. यावेळी येणार्या अनुयायांना चहा, नाश्ताची व्यवस्था करण्यात आली होती. भारतरत्न डॉ. बाबासाहेब आंबेडकर भवन समिती रसायनी पाताळगंगा अध्यक्ष आर.के. कांबळे, सेक्रेटरी शांताराम सोनवणे, तुराडे ग्रामपंचायत उपसरपंच विश्वनाथ गायकवाड, ए.बी. गायकवाड, विकास कांबळे, ए.डी. जोशी, बळी कांबळे, युवा कार्यकर्ता महादेव कांबळे, दीपक कांबळे उपस्थित होते.
खोपोलीत भीमअनुयायांची अलोट गर्दी
भारतीय राज्यघटनेचे शिल्पकार,अर्थतज्ज्ञ, शिक्षणतज्ज्ञ, कायदेपंंडीत,पत्रकार, संसदपटू, समाजसुधारक, राजकीय मुत्सद्दी तसेच भारताच्या इतिहासावर आपला आगळा वेगळा ठसा उमटविणारे वंदनीय डॉ. बाबासाहेब आंबेडकर यांच्या दि. 6 डिसेंबर महापरिनिर्वाण दिनानिमित्ताने त्यांच्या विचारांचे त्यागाचे स्मरण करीत आदरांजली व अभिवादन करण्यासाठी खोपोली शहरातील विविध भागातील भीमअनुयांनी 5 डिसेंबर रोजी रात्री 12 वा आंबेडकर स्मारकासमोरील प्रागंणात मेणबत्ती प्रज्वलीत करून बुध्द व भीम वंदना घेवून आदरांजली वाहिली. 6 डिसेंबर रोजी दादर चैत्यभूमीवर डॉ.बाबासाहेब आंबेडकरांना अभिवादन करण्यासाठी देशभरातून भीम अनुयांची गर्दी होत असते मात्र यावर्षीही कोरोना विषाणूनचा प्रार्दुभाव टाळण्यासाठी आपल्या घरून महामानवाला अभिवादन करण्याचे राज्यशासनाने आणि बौध्द धार्मिक संघटनांनी अवाहन केले असता खोपोली येथील आंबेडकर पुतळ्या समोर दि.5 डिसेंबर रोजी रात्री सिध्दार्थनगर,विहारीसह विविध ठिकाणाहून महिला,युवतींना मेणबत्ती रँली काढण्यात आली राष्ट्रवादी महिला काँग्रेस शहर अध्यक्षा सुवर्णा मोरे यांच्यासह उपस्थित पदाधिकारयांनी डॉ.बाबासाहेब आंबेडकरांच्या पुतळ्याला अभिवादन केले त्यानंतर 12 वाजता भारतीय बौध्दमहासभा आणि भारतीय बौध्दमहासंघाच्यावतीने बुध्द व भीम वंदना घेवून आदरांजली वाहण्यात आली.
सकाळी 6 डिसेंबर रोजी नगरपरिषदेच्या वतीने नगराध्यक्षा सुमन औसरमल यांनी डॉ.बाबासाहेब आंबेडकरांच्या पुतळ्याला पुष्पहार अर्पण करून अभिवादन केले.यावेळी ज्येष्ठ नगरसेवक मोहन औसरमल,गटनेते सुनिल पाटील, नगरसेवक किशोर पानसरे,तुकारामशेठ साबळे,राजू गायकवाड, नगरसेविका वैशाली जाधव,प्रमिला सुर्वे,केविना गायकवाड, माधवी रिठे,सुनिता गायकवाड,आर्चना मोरे, राष्ट्रवादी युवक काँग्रेस शहर अध्यक्ष अतुल पाटील उपस्थित होते.त्यानंतर बीजेपीचे शहर अध्यक्ष इंदरमलशेठ खंडेलवाल,सेक्रेटरी हेमंत नांदे,सुधीर तेंडुलकर,मिडीया प्रमुख राहुल जाधव, उपाध्यक्ष गोपाळ बावस्कर तसेच दिवसभर विविध पक्षाचे आणि सामाजिक संघटना,पालिकेचे अधिकारी,कर्मचारी तसेच भीम अनुयायांनी डॉ.बाबासाहेब आंबेडकरांच्या पुतळ्याला अभिवादन केले आहे.
तटकरे तंत्रनिकेतन येथे डॉ.आंबेडकरांना अभिवादन
रोहा तालुक्यातील कोलाड गोवे येथील श्रीमती गीता द. तटकरे तंत्रनिकेतन येथे भारतरत्न डॉ. बाबासाहेब आंबेडकर यांचा महापरिनिर्वाण दिन साजरा करण्यात आला. यावेळी सर्वप्रथम भारतरत्न डॉ. बाबासाहेब आंबेडकर यांच्या प्रतिमेचे पूजन करून, पुष्पमालिका अर्पण करून अभिवादन करण्यात आले. यावेळी प्रा. विपुल मसाल, रजिस्ट्रार अजित तेलंगे, सुमित गायकवाड यांच्यासह शिक्षक व शिक्षेतर कर्मचारी उपस्थित होते.
श्रामिक विद्यालयात डॉ. बाबासाहेब आंबेडकरांना अभिवादन
रोहा तालुक्यातील न.शि.प्र. मंडळ खांब या शिक्षण संस्थेचे श्रमिक विद्यालय चिल्हे येथे भारतरत्न डॉ. बाबासाहेब आंबेडकर यांचा महापरिनिर्वाण दिन विविध कार्यक्रमांनी उत्साहात साजरा करण्यात आला. यावेळी सर्वप्रथम भारतरत्न डॉ. बाबासाहेब आंबेडकर यांच्या प्रतिमेचे पूजन करून पुष्पमालिका अर्पण करून अभिवादन करण्यात आले. यावेळी मुख्याध्यापक दीपक जगताप, शिक्षक नरेंद्र माळी, राजेश म्हात्रे, शिवनाथ दराडे, अमोगसिद्ध सुरवसे, संजय आंधळे, महेंद्र जवरत, सुनील थिटे, पांडुरंग शिद, अनंत डाके, अनुराधा मोरे, ज्योत्स्ना सबरदंडे, प्रवीण मरवडे, चंद्रशेखर कांबळे,रामदास नवघरे, रेश्मा शिंदे आदी उपस्थित होते. या दिनाचे औचित्य साधून विद्यार्थी वर्गानेही आपापले मनोगत व्यक्त केले. तसेच विद्यार्थी वर्गासाठी निबंध, चित्रकला तसेच वक्तृत्व स्पर्धेचेही आयोजन करण्यात आले होते.