सराईत चोरट्याच्या मुसक्या आवळल्या
| पेण | प्रतिनिधी |
पेण शहरात मोटारसायकल चोरीच्या घटनांना आळा घालण्यासाठी पेण पोलिसांनी महत्त्वपूर्ण कारवाई केली असून, मोटारसायकल चोरी करणाऱ्या सराईत आरोपीला अटक करण्यात आली आहे. पेण पोलीस ठाण्यात दाखल असलेल्या मोटारसायकल चोरीच्या गुन्ह्याचा तपास करताना पोलिसांनी परिसरातील सीसीटीव्ही फुटेजची पाहणी केली. तसेच, गोपनीय माहिती आणि तांत्रिक विश्लेषणाच्या आधारे तपासाची चक्रे वेगाने फिरवली. या तपासातून आरोपीचा माग काढण्यात पोलिसांना यश आले. या प्रकरणी शंकर सांकुखे ऊर्फ पाटील (20) याला अटक करण्यात आली आहे. त्याच्याकडून अंदाजे 20 हजार रुपये किंमतीची स्कूटी हस्तगत करण्यात आली आहे. ही कारवाई पोलीस अधीक्षक आंचल दलाल, आणि उपविभागीय पोलीस अधिकारी जालींदर नालकुल यांच्या मार्गदर्शनाखाली पोलीस निरीक्षक संदीप भोसले यांच्या नेतृत्वाखाली उपपोलीस निरीक्षक सुनील चव्हाण, सुशांत भोईर, अजिंक्य म्हात्रे, सचिन व्हसकोटी, अमोल म्हात्रे, गोविंद तलवारी, संदिप शिंगाडे, तुषार घरत यांच्या पथकाने पेण पोलिसांनी केली.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.