रिलायन्सतर्फे आरोग्य केंद्राचे लोकार्पण

| पाली/बेणसे | प्रतिनिधी |

रायगड जिल्ह्यातील कुहिरे गावात रिलायन्स फाऊंडेशनतर्फे नूतनीकरण करण्यात आलेल्या आरोग्य केंद्राचा लोकार्पण सोहळा मंगळवारी (दि.28) पार पडला. कुहिरे व परिसरातील जंगल, डोंगर, माळरान व दुर्गम पठार भागात राहणाऱ्या नागरिक व आदिवासी बांधवांसाठी हे आधुनिक आरोग्य केंद्र वरदान ठरणार आहे. अत्याधुनिक वैद्यकीय सुविधा, स्वच्छ व सुसज्ज इमारत, प्राथमिक उपचारासाठी आवश्यक साधनसामग्री तसेच गर्भवती महिलांसाठी विशेष सुविधा यामुळे स्थानिकांना आता दर्जेदार आरोग्य सेवा त्यांच्या गावातच उपलब्ध होणार आहे.

आरोग्य केंद्राच्या लोकार्पण सोहळ्यास रिलायन्स नागोठणे उद्योग समूहाचे अध्यक्ष शशांक गोयल, वरिष्ठ अधिकारी गौतम मुखर्जी, प्रशांत बोरगोले, जनसंपर्क अधिकारी रमेश धनावडे, कुहिरे सरपंच प्रज्ञा जवके, सामाजिक कार्यकर्ते उदय जवके, वैभव जवके, नागोठणे सहाय्यक पोलीस निरीक्षक सचिन कुलकर्णी, वरदा कुलकर्णी, डॉ. दिक्षिता मोकल, डॉ.शुभदा कुडतलकर , डॉ. सुनिल चौधरी, डॉ. भानू, डॉ. हिताली परब, डॉ. गांगुर्डे, पूनम शिंदे, मनस्वी जवके, गणू जवके, नामदेव वाळंज, मधुकर वाळंज, गिरीश घोडेकर, अलका जवके, ललित शिंदे, ज्ञानेश्वर जवके आदींसह इतर मान्यवर व नागरिक मोठ्या संख्येने उपस्थित होते. यावेळी नागरिकांची मोफत व नेत्र तपासणी करण्यात आली.